श्रष्टाको दशैं ; १०, अमर शाह

( स्रष्टाहरुले यस वर्षको दशैं कसरी मनाए ? विश्वपरिक्रमाले विभिन्न स्रष्टाहरुसँग ३ प्रश्न राखेको थियो । प्रस्तुत छ, कथाकार अमर शाहको जवाफ)

यस वर्षको दशैं कसरी मनाउनु भयो ?

यस वर्ष काकाका छोरा दुईजनाको मृत्यु भएको कारण सामाजिक प्रचलन अनुसार मैले दशैंको टीका लगाइन ।

घुमघाम गर्न कतै जाने कार्यक्रम पनि बनेन । तसर्थ, यस वर्षको दशैँ मेरोलागि दशैं जस्तो विशेष रहेन ।

दशैंको बेला कुनै किताब पढ्नु भयो ?

हाल व्यावसायिक पूर्णकालीन काम नभएको र दशैको टीका पनि नभएकोले दशैंको बिदाको समय पहिले खरिद

गरेर पनि पढ्न नसकिएका पुस्तक पढ्न लगाउन भने सकें । विशेष गरी दशैंको अवधिमा मित्र गोविन्द गिरी

प्रेरणाजीको करिब एक वर्ष पहिले प्रकाशित बहुचर्चित पुस्तक सुश्री पारिजात र मित्र नरेन्द्र जंग पिटरजीको

केही समय पहिले प्रकाशित पुस्तक बकपत्र पढेर सके । दुवै पुस्तक अत्यन्त महत्वपूर्ण छन् । पुस्तक पढेर

दुवै मित्रलाई आफ्नो प्रतिक्रिया पनि दिएको छु ।

दशैको बेला कुनै नया रचना सिर्जना गर्नु भयो?

रचन सिर्जना गर्ने सवालमा म खासै सक्रिय नभए पनि यो अवधिमा बर्बाद देशको कुरा शीर्षकमा एउटा

कविता भने लेख्न सकें । देश खत्तम भयो र अब देश र यो देशमा बस्नेको कुनै भविष्य छैन भन्ने

भाष्य तयार भैरहेको सन्दर्भमा छ यो कविता ।

 

०००