( स्रष्टाहरुले यस वर्षको दशैं कसरी मनाए ? विश्वपरिक्रमाले विभिन्न स्रष्टाहरुसँग ३ प्रश्न राखेको थियो । प्रस्तुत छ, कवि चन्द्र गुरुङको जवाफ)
यस बर्षको दशैं कसरी मनाउनु भयो ?
म पूर्वी नेपालको चर्चित शहर धरानमा बस्छु । तर मेरो पुर्खौली गोरखा जिल्ला हो । यसपटक दशैंमा आफ्नो जन्मस्थल गोरखा परिवारसित आएको थिएँ । बाआमा, भाइबुहारी र नातागोतासित रमाइलो रह्यो यसपटकको दशैं ।
दशैंको बेला कुनै किताव पढ्नु भो ?
मित्र प्रकाश थाम्सुहाङकाे नयाँ निबन्धकृति “शब्दथुम” पढें । यो धेरै राम्रो कृति छ । व्यक्तिविम्ब, चिन्ता-चिन्तन र आत्ममन्थन ३ खण्डमा विभाजित २४ थान निबन्धहरू छन् । जसले प्रकाशलाई एक गम्भीर पाठक र लेखक भएको प्रमाणित गर्छ ।
दशैंको बेला कुनै नयां रचना सिर्जना गर्नु भो ?
छैन । नयाँ लेखन केही भएको छैन । अब धरान फर्केर केही नयाँ कविता, अनुवाद र लेख आउने पक्का छ ।
०००
