विश्वपरिक्रमा डेस्क
१८ अगस्त, वाशिंटन डिसी
अफगानिस्तानका पूर्व राष्ट्रपति असरफ घानी आफ्नो मुलुकबाट पलायन भएपछि कहाँ गए भन्ने यकिन भएको थिएन । कतिपयले छिमेकी राष्ट्र उज्वेकिस्तान गएको अनुमान गरेका थिए । तर आज युनाइटेड अरव इमिरेटसले घानीलाई आफ्नो मुलुकमा स्वागत गरिएको जनाएको छ ।
यसैवीच घानीले एक भिडियो सन्देश दिंदै आफूले अफगानिस्तानमा रक्तपात नहोस् भनेर देश छाडेको वताएका छन् । साथै उनले निकै ठूलो परिमाणमा नगद लिएर गएको भन्ने आरोपको पनि खण्डन गर्दै त्यो आधारहीन आरोप भएको बताएका छन् ।
उनले भिडियो सन्देशमा भने, ” यी आरोपहरु निराधार र असत्य हुन्, म त्यससलाई ईन्कार गर्दछु । म तिनलाई दृढतापूर्वक अस्वीकार गर्दछु ।”
