एलिसिया मिन्जारेज रामिरेज
म तिमीभित्र समाहित हुन चाहन्छु….
यसरी कि तिमीभित्र
म धारण गर्न सकूं
सवै सप्ताकाशहरू !
यसरी कि तिमीभित्र
विशाद र अनन्तताले
साथसाथै ल्याइरहेको छ
हल्का वायुको सामान्जस्यता
शान्तपूर्वक तिमीभित्र निश्वासझैं
म तिमीभित्र समाहित हुन चाहन्छु…
तिम्रो छातीको
न्यानो मरूभूमिमा;
अनि चुम्वनमा जो पग्लेर
सागर बन्छ
ब्रम्हाण्डको
यसका हातहरूका वीच ।
किनभने तिमी मात्रै
मेरो क्षितिज हौ
र म हुनेछु
तिम्रो अन्तिम गन्तव्य !
(मेक्सिकाली कवयित्री एलिसिया मिन्जारेज रामिरेजको कविता ॲंग्रेजीवाट अनुवाद;सुदामा)
