१३ पुस २०८०, काठमाडौं
नेपाल स्रष्टा समाजको १७ औँ स्थापना दिवसको उपलक्ष्यमा आयोजना गरिने सप्ताहव्यापी कार्यक्रमको उद्घाटन ललितपुरको पाटन सङ्ग्रहालयमा प्रमुख अतिथि प्राडा गोविन्दराज भट्टराईले गरे ।
सो अवसरमा पर्या तथा सम्पदा कवि गोष्ठीको आयोजना गरियो । सो गोष्ठीमा कविहरु नरेन्द्रबहादुर श्रेष्ठ, किशोर पहाडी, विश्वविमोहन श्रेष्ठ, कृष्ण बाउसे, भीष्म उप्रेती, नरेन्द्रराज पौडेल, विजय हितान, भारती न्यौपाने, सीता कणेल, जीवनाथ पोखरेल, डा.हिमलाल श्रेष्ठ, बुद्धिमान मर्हजन र राजेशमान केसीले कविता वाचन गरेका थिए ।
कार्यक्रमलाई सम्बोधन गर्दै प्रमुख अतिथि भट्टराइले वि.सं. २०६४ मा नै पर्या साहित्यको सिद्धान्त निर्माण भइसकेको र अहिलेसम्म तीनजनाले विद्यावारिधिसमेत गरिसकेको बताए ।
सोही समारोहमा समाजको मुखपत्र ‘स्रष्टा दर्पण’ को ३०औं अङ्कको विमोचन गरिएको थियो ।
समाजका अध्यक्ष श्रीओम श्रेष्ठ ‘रोदन’ को सभापतित्वमा सम्पन्न सो समारोहमा सङ्ग्रहालयका प्रमुख मन्जु भण्डारी थापा, संरक्षक पवन आलोक, उपाध्यक्ष चेतनाथ कणेल ‘हरित’, महासचिव देविका तिमिल्सिना र विश्वविमोहन श्रेष्ठले मन्तव्य व्यक्त गरेका थिए ।
