११ पुस २०८०, काठमाडौं
सुरभि साहित्य प्रतिष्ठानले आफ्नो सोह्रौँ वार्षिकोत्सवको अवसरमा २०८० माघ २० गते शनिबारको नियमित कार्यक्रममा सात जना स्रष्टाहरूहरूलाई विभिन्न पुरस्कारहरु समर्पण गर्ने निर्णय गरेको छ ।
प्रतिष्ठानले जनाए अनुसार गुरुप्रसाद मैनाली-सुरभि आख्यान पुरस्कार ध्रुव सापकोटालाई, सुरभि-बाजुराम आख्यान साधना पुरस्कार प्रा.डा. गोविन्दराज भट्टराईलाई, सुरभि-रमा-बद्री निबन्ध पुरस्कार प्रा.डा. माधवप्रसाद पोखरेललाई, सुरभि-अच्युतराम लघुकथा पुरस्कार महेश प्रसाईँलाई, सुलेख आख्यान प्रतिभा पुरस्कार इन्द्रकुमार श्रेष्ठ ‘सरित’लाई, सुरभि-प्रह्लाद नारी आख्यान पुरस्कार ललिता दोषीलाई, सुरभि-वेदमणि आख्यान प्रतिभा पुरस्कार लिलाराज दाहाललाई समर्पण गरिनेछ ।
यी पुरस्कारहरुको राशि रु. १०,००५/- देखि २५,००५/- सम्म रहेको प्रतिष्ठानले जनाएको छ ।
सोही समारोहमा प्रा.डा. ऋषिराम पोखरेललाई अभिनन्दन गरिनेछ ।
