२० भदौ २०८०, काठमाडौं
विसं २०७९ सालको वासुदेव लुईंटेल पुरस्कार हास्यव्यङ्ग्य लेखक चट्याङ माष्टर अर्थात् कृष्णमुरारी गौतमलाई प्रदान गरिने भएको छ । यो पुरस्कारको राशी एक लाख एघार हजार एकसय एघार रहेको छ । नगदको साथमा सम्मानपत्र र प्रतीक चिन्ह समेत प्रदान गरिनेछ ।
त्यसैगरी चुडामणि रेग्मी र रमेश खकुरेललाई वासुदेव लुईंटेल सम्मान प्रदान गरिने भएको छ । यस सम्मानको साथमा जनही नगद दस हजार, दोसल्ला र सम्मानपत्र रहने कुरा वासुदेव – बिद्यादेव लुईंटेल गुठीका अध्यक्ष प्राडा सुषमा आचार्यले वताईन् ।
यी पुरस्कार र सम्मानहरु २०८० भदौ २३ गते एक समारोहका वीच प्रदान गरिनेछ ।
