१८ भदौ २०८०, काठमाडौं
जननायक बिपी कोएराला स्मृति ट्रष्टले विसं २०८० को “बिपी कोइराला स्मृति साहित्य सम्मान पुरस्कार” बरिष्ठ कथाकार राजेन्द्र विमललाई प्रदान गरिने घोषणा भएको छ । ट्रष्टले हरेक बर्ष साहित्य सम्मान तथा प्रजातन्त्र सेनानी पुरस्कार प्रदान गर्दै आइरहेको छ ।
यस सम्मानका साथ १ लाख १ हजार राशी प्रदान गरिनेछ ।
साहित्यकार डा. ध्रुबचन्द्र गौतमको संयोजकत्वमा ट्रष्टका महासचिव रामचन्द्र पोखरेल तथा डा. ज्ञानु पाण्डे सदस्य रहेका छनौट समितिको सिफारिसमा यो निर्णय गरिएको हो ।
महासचिव रामचन्द्र पोखरेलका अनुसार सो सम्मान बिपी कोइरालाको ११०औं जन्म जयन्तीका अवसरमा २२ भदौ २०८० का दिन राष्ट्रपतिको हातबाट समर्पण गरिनेछ ।
