२३ असार २०८०, काठमाडौं
भाषासेवी कृष्णप्रसाद पराजुलीको ८९औँ जन्मजयन्तीको अवसरमा कृष्ण साहित्य सदनले काठमाडौंमा एक समारोहको आयोजना गरी बालसाहित्यमा सक्रिय साहित्यकार रामबाबु सुवेदीलाई ‘रमाइला नानी बालसाहित्य पुरस्कार-८०” गर्यो । पुरस्कारमा रु ११ हजार राशी रहेको छ ।
कार्यक्रमका प्रमुख अतिथि लेखक तथा वातावरणविद् डा.तीर्थबहादुर श्रेष्ठले सो पुरस्कार समर्पण गरे । सोही अवसरमा साहित्यकार पराजुलीको महाकाव्य ‘मनमाया’माथि शोध गरी स्नातकोत्तरमा उत्कृष्टता हासिल गर्ने छात्र डिल्ली नेपाललाई समेत सम्मान गरियो ।
समारोहलाई सम्बोधन गर्दै डा.श्रेष्ठले साहित्यकार कृष्णप्रसाद पराजुलीको सिर्जनात्मक अवशेष अहिले पनि नेपालीमाझ रहेको बताए ।
सम्मानित व्यक्तित्व कवि रामबाबु सुवेदीले साहित्यकार पराजुलीसँगको संगतले नै आफू बालसाहित्यमा कलम चलाउन अग्रसर भएको बताए ।
सो समारोहमा प्रा.डा.ध्रुवकुमार घिमिरे,प्रा.डा.चूडामणि बन्धु, प्रा.डा.कपिल लामिछाने, शाश्वत पराजुली, शाम्भवी पौडेल लगायतले आफ्नो मन्तव्य राखेका थिए ।
बधाई छ रामबाबु सरलाई ।