काठमाडौं, २५ जेठ २०८०
पारिजात स्मृति केन्द्रको आयोजनामा सुकन्या वाइबाको नव प्रकाशित संस्मरणात्मक कृति “म किट्टी बिरालो” माथि एक पुस्तक परिचर्चा कार्यक्रम सम्पन्न भयो। कार्यक्रममा समालोचक कुमारी लामा र विश्लेषक तथा पुस्तकका सम्पादनकर्ता राजेन्द्र महर्जनले पुस्तकका विविध पक्ष र आयामबारे प्रकाश पार्नु भएको थियो। प्रकाशकको तर्फबाट गणेश सुवेदीले आफ्नो मन्तव्य राख्नु भएको थियो। कार्यक्रमको शुरुमा स्मृति केन्द्रका महासचिव दिल सुन्दर श्रेष्ठले आमन्त्रित अतिथिहरुलाई स्वागत गर्नुभएको थियो ।
सो अवसरमा पुस्तककी श्रष्टा सुकन्या वाइवाले पुस्तकको वारेमा आफ्नो मन्तव्य राख्नु भएको थियो ।
स्मृति केन्द्रका अध्यक्ष डा राजेन्द्रप्रसाद अधिकारीले सभापतित्व गर्नु भएको सो कार्यक्रम सञ्चालन कवयित्री सिता शर्माले गर्नु भएको थियो।
(फोटो : श्री विभव बानियाँ)
