१२ असार २०८०, काठमाडौं
“उनैको माया” कविता सङ्ग्रह (विसं २०७०) तथा “बगेको खोला” आत्मकथा कृतिकी लेखिका दुर्गादेवी नेपालको ८६ बर्षको उमेरमा १२ असार २०८० का दिन घट्टेकुलोस्थित नईगृहमा निधन भएको छ । उनको जन्म १९९५ असोज १६ गते भएको थियो । स्व. दुर्गादेवी लेखिका ईन्दिरा प्रसाईंकी आमा हुन् र पछिल्लो समय उनी ईन्दिरा प्रसाईं तथा नरेन्द्र प्रसाईंको प्रत्यक्ष निगरानीमा जीवनका अन्तिम दिनहरु विताइरहेकी थिइन् । उनको दृष्टि शक्ति कमजोर भए पनि चेतनास्तर उच्च थियो र भेट्न जानेहरुलाई उनी चिनेको बताउँथिन् र बोली पनि स्पष्ट थियो ।
स्मरणीय छ, उनले १० लाखको अक्षयकोष राखी आफ्ना पति गणेशप्रसाद शर्मा तथा आफ्नो नाममा “नई गणेश दुर्गा अन्तरराष्ट्रिय पुरस्कार स्थापना गरेकी थिइन् । रु एक लाख राशीको यो पुरस्कार हरेक बर्ष नेपाल बाहिरका नेपाली या नेपालीमूलका गैरनेपाली नागरिक नेपाली गोर्खालीलाई समर्पण गर्ने गरिन्छ ।
स्वर्गिय दुर्गादेवीको आजै आर्यघाटमा अन्तिम संस्कार सम्पन्न गरिएको थियो । उनलाई श्रध्दार्पण तथा अन्तिम दर्शनका लागि ठूलो सङ्ख्यामा साहित्यकार, साहित्यप्रेमीहरु आर्यघाट पुगेका थिए ।
