विश्वपरिक्रमा डेस्क
संयुक्त राज्य अमेरिकाले विभिन्न मुलुकबाट अमेरिका पुगेका तर प्राकृतिक विनाश वा अपरिहार्य संकटका कारण स्वदेश फर्कन नसकिने ठानेमा मानवियताको आधारमा टेम्पोररी प्रोटेक्टेड स्ट्याटस अर्थात् टिपिएस दिने गर्दछ ।
यसरी टिपिएस प्राप्त गरेका ब्यक्ति सोही हैसियतमा टिपिएस सकृय रहेको अवधिमा आफ्नो मुलुक गएर पारिवारिक भेटघाट गरेर अमेरिका पुन: फर्कन वाधा हुँदैन । अमेरिकामा कानूनी रुपले बस्न र काम गर्ने अनुमति प्राप्त हुन्छ ।
नेपालमा पछिल्लो पटक गएको विनाशकारी भूकम्प पश्चात् नेपालीले पनि सो सुविधा पाएका छन् र त्यो सुविधा निरन्तर छ । टिपिएस पाउनेका लागि ग्रिनकार्ड बनाउन मिल्ने प्रावधानका विषयमा पनि छलफल जारी रहेको देखिएको छ ।
अमेरिकामा नेपाल सहित बर्मा, एल साल्भाडोर, हाइटी, होण्डुरस, निकारागुवा, सोमालिया, सुडान, दक्षिणी सुडान, सिरिया, भेनेज्वेला तथा यमनका नागरिकहरुले यो सुविधा उपभोग गरिरहेका छन् ।
