२१ असार २०८०, वाशिंटन डिसी
नेपाली साहित्यमा ऐतिहासिक उपन्यासका शिखर व्यक्तित्व डायमनशम्शेर राणाको जन्म २१ असार १९७५ का दिन ठूटे पीपल, पाल्पामा जन्म भएको थियो ।
बसन्ती(विसं २००६), सेतो बाघ (विसं २०३०) जस्ता विख्यात ऐतिहासिक उपन्यासका स्रष्टा राणाका अन्य उपन्यासहरूमा प्रतिवध्द( विसं २०३४), सत्प्रयास(विस.२०३८),अनिता (विसं २०४५), धनको धव्वा (विसं २०५१), गृह प्रवेश (विसं २०५९) रहेका छन् ।
उनको सर्वाधिक चर्चित र लोकप्रिय उपन्यास सेतो बाघ थियो । त्यो उपन्यास हिन्दी, अंग्रेजी, फ्रान्सेली लगायत विभिन्न भाषामा अनुवादसमेत भएको थियो
वसन्ती उपन्यासमाथि नीर शाहले वसन्ती नाममै चर्चित चलचित्र निर्माण गरेका थिए ।
उनको देहान्त विसं २०६७ फागुन २० गते काठमाडौंमा भएको थियो ।
