विश्वपरिक्रमा डेस्क
३१ अगस्त, वाशिंटन डिसी
नेपाली जगतमा वरिष्ठ साहित्यकार तथा उम्दा चलचित्र निर्देशकको प्रिष्ठित छबि बनाएका दिवङ्गत चेतन कार्कीको नाममा “चेतन कार्की प्रतिष्ठान” को गठन गरिएको छ ।
१४ भदौ २०७८ का दिन चेतन कार्कीका परिवार र शुभचिन्तकहरुको जमघटले वरिष्ठ चलचित्रकर्मी नायिका मिथिला शर्मा बोहोराको अध्यक्षतामा मोहन निरौला उपाध्यक्ष, मुरारी सिग्देल, कोषाध्यक्ष तथा सहकोषाध्यक्षमा चेतन कार्कीका सुपुत्र पारस कार्की र पङ्कज कार्की रहेका छन् ।
साथै तदर्थ समितिका सदस्यहरुमा राधेश्याम लेकाली, रविन्द्र खड्का तथा दिव्य गिरी रहेका छन् ।
प्रतिष्ठानको कार्यालय चेतन कार्कीकै घर ललितपुरमा रहने समेत निर्णय भएको छ ।
प्रतिष्ठानले चेतन कार्कीद्वारा स्थापना गरिएको हीरासिहको नामको पुरस्कारलाई निरन्तरता दिने तथा चेतन कार्कीको नाममा सम्मान र पुरस्कारको स्थापना गर्ने, चेतनका प्रकाशित पुस्तकहरु र सम्मानपत्रहरुको संरक्षण गर्ने र अप्रकाशित कृति र रचनाहरुको प्रकाशन गर्ने जस्ता उदेश्य राखेको छ ।
कोरोनाको कारण दिवङ्गत चेतन कार्कीका आत्मा वेचेको छैन, ढलेको गिलास, हनिमून जस्ता उपन्यास , कल्पना टूट चुकी है, जून निदाउन थाल्यो, माया प्रितिको चोखो कथा, हत्केलाले सधैंभरि सूर्य छेकिंदैन, हो देश मेरो पनि जस्ता नेपाली, हिन्दी गीत, कविता, मुक्तकका पुस्तक प्रकाशित छन् ।
उनका गीतहरुतूप्रै चलचित्रमा लोकप्रिय र कर्णप्रिय रहेका छन् ।
(फोटो: शब्दपथबाट)
स्रस्टाको सम्झनामा राम्रो कार्यको थालनी। खुसीको कुरा।