१५ चैत २०८२, काठमाडौं
दण्डपाणि अर्ज्याल स्मृतिकेन्द्रद्वारा आयोजित कार्यक्रममा प्रमुख अतिथि काठमाडौ विश्वविद्यालयका पूर्व उपकुलपति प्रा. डा. शुरेशराज शर्माले अन्तर्राष्ट्रिय सम्बन्ध, परराष्ट्र तथा कूटनीति लगायत नेपाली, अङ्ग्रेजी र संस्कृत वाङ्मयमा पुऱ्याएको योगदानको उच्च मूल्याङकन गरी यस वर्ष २०८२ को “दण्डपाणि-नन्दकुमारी अर्ज्याल स्मृति राष्ट्रिय पुरस्कार” प्रा.डा. जयराज आचार्यलाई अर्पण गरे ।
प्रमुख अतिथि डाङ. शर्माले नगद रु ५०,०००/- पुरस्कार तथा अभिनन्दन पत्र हस्तान्तरण गरेपछि प्रा.डा आचार्यलाई दोसल्ला ओढाई सम्मान गरेका थिए ।सो अवसरमा उहाँकी धर्मपत्नी उषा आचार्यलाई पनि दोसल्ला ओढाई सम्मान गरिएको थियो ।
पुरस्कार वितरणपश्चात् समारोहलाई सम्बोधन गर्दै प्रमुख अतिथि प्रा.डा. सुरेशराज शर्माले दण्डपाणि अर्याल स्मृतिकेन्द्रले प्रतिभा सम्मानका लागि उपयुक्त पात्र छान्ने परम्परालाई निरन्तरता दिएकोमा खुसी व्यक्त गरे ।
पुरस्कृत व्यक्तित्व डा. जयराज आचार्यले आफ्नो मन्तब्यमा दण्डपाणि अर्ज्याल स्मृतिकेन्द्रबाट हालसम्म सम्मानित/पुरस्कृत व्यक्तिहरूको जीवनीलाई स्मृतिकेन्द्रकै मुखपत्र “ज्ञानविन्दु” पत्रिकामा जीवनी विशेषाङ्कको रूपमा प्रकाशित गर्न सुझाव दिए ।
यस अघिका वर्षहरूमा १७ जना राष्ट्रिय प्रतिभाहरूले यो पुरस्कार प्राप्त गरिसकेका छन् ।
स्मरण सहोस् आजका प्रमुख अतिथि प्रा.डा. सुरेशराज शर्माले पनि १५ बर्ष पहिले यो पुरस्कार प्राप्त गरिसक्नु भएको छ।
०००
त्यसै गरी जयराज आचार्य विषयक परिचर्चा कार्यक्रम जूमका माध्यमबाट सम्पन्न भएको छ । अघिल्लो दिन सम्पन्न प्रतिभा सम्मान कार्यक्रमको भिडियो क्लिप प्रदर्शन गर्दै अन्तरराष्ट्रिय नेपाली समुदायका बीच सम्पन्न उक्त कार्यक्रममा सल्लाहकारहरु, कोष संस्थापकहरु- कवि हरिहर अर्याल तथा साहित्यकार राजेन्द्रप्रसाद अर्याल, अनेसास, बिओटिका अध्यक्ष पदम विश्वकर्मा, अनेसास केन्द्रिय अध्यक्ष- सर्वज्ञ वाग्ले, एनआरएनए अमेरिकाका उपाध्यक्ष- डा.गंगाधर आचार्य, अन्य कवि ,लेखक साहित्यकारहरु लगायत संस्थाका पदाधिकारीहरुको उपस्थिति थियो। उपस्थित वक्ताहरुले जयराज आचार्य र दण्डपाणि अर्ज्यालको जीवनी व्यक्तित्व र कृतित्व वारे प्रकाश पार्दै स्मृतिकेन्द्रको सकारात्मक भूमिकाको प्रशंसा गरेका थिए। दुवै चरणको कार्यक्रमको सभापतित्व संस्थाका अध्यक्ष वरिष्ठ ईन्जिनियर ईश्वरचन्द्र बानियाले गरेका थिए ।
कार्यक्रम सञ्चालन महासचिव कपिल चन्द्र खनालले गरेका थिए।
गोरखामा वि.सं १९६३ मा जन्मेका विद्वान् शिक्षासेवी, इतिहासविज्ञ तथा समाजसेवी स्वर्गीय दण्डपाणि अर्ज्याल इतिहास ,ज्योतिष शास्त्र र संस्कृतिका अध्येता थिए र नन्दकुमारी उनकी धर्मपत्नी थिइन् ।
स्मरणीय छ, डा. जयराज आचार्य यो पुर्कार प्राप्त गर्ने १८औं विद्वान हुन् । प्रमुख अतिथि प्रा.डा. सुरेश आचार्य १५ वर्षअघि यो पुरस्कारद्वारा सम्मानित भइसकेका विद्वान हुन् ।
०००
