२७ असार २०८२, काठमाडौं
नेपाली कथा साहित्यमा पुनर्जागरण अभियान अन्तर्गत २०८० साउनदेखि प्रत्येक महिनाको अन्तिम शुक्रबार आयोजन गरिँदै आएको कथावाचन कार्यक्रमको एक्काइसौं श्रृङ्खला सम्पन्न भएको छ ।
कुनै दिवङ्गत स्रष्टाको सम्मानस्वरूप स्रष्टा श्यामराजाको ‘सुस्केरा’ शीर्षकको कथा वाचन गरियो कथाकार इन्दिरा प्रसाईले वाचन गरेकी थिइन् ।
त्यसपछि मधुवन पौडेलले आफ्नो कथा ’भीड, भाषण र खुल्ला मंच’, उषा शेरचनले ’अर्को क्षितिज’, साबित्री श्रेष्ठले ’फेरि बिग्रेकी केटी’, रासाले ’तेस्रौ दैनिकी’ शीर्षकको कथा वाचन गरे ।
कथा वाचनपश्चात् प्रा. डा. भरतकुमार भट्टराईले कथाकारद्वय मधुवन पौडेल र उषा शेरचनले प्रस्तुत गरे, मोहन चापागाईंले कथाकारद्वय सावित्री श्रेष्ठ र रासाका कथाहरुमाथि टिप्पणी गरे ।
कार्यक्रमको सुरुमा यस अभियानका परिकल्पनाकारद्वय मध्येका चन्द्रप्रसाद भट्टराईले कार्यक्रमको अहिलेसम्मको सफलतामा खुशी व्यक्त गर्दै यस श्रृङ्खलादेखि वाचन गरिएका कथाहरुमाथि समीक्षात्मक टिप्पणी गरिने जानकारी गराएका थिए ।
कार्यक्रमको अन्त्यमा यस अभियानका अर्का परिकल्पनाकार पुष्कर लोहनीले कथासाहित्यको विकासक्रमबारे संक्षिप्त चर्चा गर्दै आज स्मरण गरिेएका दिवंगत कथाकार श्यामराजाका बारेमा कैयौं अनुद्घाटित प्रसङ्गमा प्रकाश पारेका थिए ।
अढाई घण्टाभन्दा बढी समयसम्म शान्त वातावरणमा चलेको कार्यक्रममा अन्य कथाकार र कथाप्रेमीहरुको उपस्थिति थियो ।
कार्यक्रम उपन्यासकार शुकदेव उपाध्यायले कार्यक्रम संचालन गरेका थिए ।
०००
