विश्वपरिक्रमा डेस्क
१७ अगस्त, वाशिंटन डिसी
पछिल्लो समय लघुकथा लेखनमा सकृय ईलामकी प्रतिभा हेमलता उप्रेती विश्वव्यापी कोरोना महामारीको कारण मृत्यु भएकोले उनको नाममा उनका परिवारले स्थापना गरेको ” हेमलता लघुकथा सम्मान” लघुकथाको क्षेत्रमा सकृय हस्ताक्षर दीपक लोहनीलाई पहिलोपल्ट प्रदान गरिने भएको छ ।
सम्मानमा ११ हजार नगद तथा सम्मानपत्र रहनेछ ।
राजेन्द्र कँवर, विष्णु उप्रेती र ममता मृदुलको तीन सदस्यीय चयन समितिले दीपक लोहनीको नाम चयन गरेको हो ।
यो सम्मान २०७८ साल मंसिर १ गते विराटनगरमा एक कार्यक्रमको आयोजना गरी दिइने जानकारी गराइएको छ ।
स्मरणीय छ, सम्मानित प्रतिभा दीपक लोहनीको “दीपक र दीपकहरु” चर्चित लघुकथा संग्रह हो र उनी साहित्यपोस्ट साहित्यिक वेवसाइटमा “लघुकथा तीन” का स्तम्भकार पनि हुन् ।
