छहरा साहित्य समाजको भानु जयन्ती

२८ असार २०८२, काठमाडौं

आदि कवि भानुभक्त आचार्यको २१२औं जन्मजयन्तीको अवसरमा छहरा साहित्य समाज, धापासीले एक कार्यक्रमको आयोजना गरी आदिकवि भानुभक्त आचार्यका काव्य साधना सम्बन्धी चर्चा, विश्लेषण तथा कविता वाचन ग-यो ।
कार्यक्रममा प्रा.गङ्गाधर कट्टेलले भानुभक्तको काव्य साधना बारे समिक्षात्मक मन्तव्य प्रस्तुत गर्दै नेपाली भाषामा कविता रच्ने आदिकवि हुनुहुन्थ्यो भने ।
प्रमुख अतिथि प्रा. नारायण प्रसाद कट्टेलले आदि कवि भानुभक्त आचार्यको काव्य साधना बारे चर्चा गर्दै छहरा साहित्य समाजको उत्तरोत्तर प्रगतिको कामना गरे ।
डा. बासुदेव काफ्लेले भानुभक्तका विविध फुटकर रचनाहरुको चर्चा गर्दै कविता बाचन गरे ।
कार्यक्रमको सुरुमा समाजका कोषाध्यक्ष आनन्द पौड्यालले स्वागत मन्तव्य प्रस्तुत गरी भानुभक्तका रचना समेत पाठ गरेका थिए ।
सो कार्यक्रममा गरिमा पोख्रेल, रमा न्यौपाने तथा भोला प्रेमीले कविता वाचन गरेका थिए ।
साहित्यकार योगेन्द्र तिमिल्सिनाको अध्यक्षतामा सम्पन्न सो कार्यक्रम कार्यसमितिका सचिव तथा कवि भोला प्रेमीले सञ्चालन गरेका थिए ।
कार्यक्रमको अन्त्यमा समाजका अध्यक्ष योगेन्द्र तिमिल्सिनाले आफ्नो असारे गीत शीर्षक एक कविता वाचन गरी कार्यक्रम समापनको घोषणा गरेका थिए ।