शुभम् खनाल
मनको आँगन झिलिमिली हुन्छ शिक्षा पाए
ज्ञानी बन्छौँ हामी पुस्तकसँग मित लाए ।
शिक्षा नै हो जीवनको अमूल्य यो धन
शिक्षाबाट टाढा हुन मान्दैन यो मन ।।
न्युटन, डार्बिन, आइन्स्टाइन असल मानिस बने
जीवन अघि बढ्दैन है यो भएन भने ।
सुन्दर संसार हेर्नलाई यो आँखाको ज्योती
शिक्षा नै हो धन सम्पत्ति जस्तै हिरा मोती ।।
मनको मैलो मेटिँदैन शिक्षा नभएमा
निरक्षर हुनुपर्छ स्कुल नगएमा ।
ज्ञानको चक्षु खुल्नुपर्छ मान्छे – मानिस हुन
शिक्षा पाई पुगेका छन् तारा जून छुन ।।
विज्ञान र प्रविधिको आजको यो युग
भन्नुहुन्छ बुबाआमा टाढाटाढा पुग ।
आफूलाई चिनाउन राम्रो शिक्षा खोजौँ
असल शिक्षा प्रप्त गरी सही बाटो रोजौँ ।।
जेनिथ इन्टरनेशनल सेकेन्डरी स्कुल
०००
हेटौँडा, मकवानपुर, कक्षा – ६
