२० कार्तिक २०८१, काठमाडौं
चक्रपाणि स्मारक प्रतिष्ठानद्वारा आयोजित नेपाल राज्यव्यापी खुल्ला कथालेखन प्रतियोगितामा जाजरकोटका शिवराज शाही ठकुरीको “सन्तानको फोटो” प्रथम भई ३० हजार रुपैयाँ पुरस्कार जितेको छन् ।
लोहकिल्थली भक्तपुरका मनीषकुमार शर्मा ‘समित’ को “मैले नभित्राएकी बुहारी” द्वितीय भई २० हजार र रुपक अलङ्कारको “बङ्गाली बाबा” तृतीय भई १० हजार १० हजार जितेका छन् ।
त्यस्तै प्रकाश नेपालीको “मेलम्ची कहिले सुक्छ सरकार” अनिता पन्थीको “जुगुप्सा” लाई रु. ५ हजार राशीसहितको “आरुषी महर्जन” गुणवत्ता पुरस्कार पुरस्कार प्रदान गरिएको छ ।
चक्रपाणि स्मारक प्रतिष्ठानले आयोजना गरेको नेपाल राज्यव्यापी खुल्ला कथालेखन प्रतियोगितामा ६६ कथा प्राप्त भएका थिए र यसअघि ३० उत्कृष्ट कथाको सूचि प्रकाशित गरिएको थियो । ती ३० कथामध्येबाट पुरस्कृत गरिएका हुन् ।
यस प्रतियोगिमा साहित्यकारहरु शैलेन्द्र साकार, इस्माली र डा. बिन्दु शर्मा निर्णायक रहेका थिए ।
सबै पुरस्कृतलाई पुरस्कार समर्पण तथा ३० उत्कृष्ट कथाको सङ्कलन समेत एक समारोहका वीच सार्वजनिक गरिएको थियो । पुस्तकको सम्पादन रामगोपाल आशुतोषले गरेका हुन् ।
सो समारोहमा वरिष्ठ कवि शैलेन्द्र साकार,पदम दाहाल युवा कवि सुरेश गाउँले, सञ्जय सुमन, दिलकुमारी डङ्गोल, वसन्त नकर्मी, तेजकुमार श्रेष्ठ, रेणुका भट्टराई, ज्ञानु विद्रोही र राजेश केसीले कविता वाचन समेत गरेका थिए ।
