तीन  रुसी कविता

मूलः नताली विसो

अनुवादः गोविन्द गिरी प्रेरणा

 

१, गुनासाहरु नजोगाउ

 

क्रोधहरु जम्मा नगर-सम्पती होइनन् ती

अपमानका पृष्ठहरु तत्कालै बन्द गर

र विदा गर तुरुन्तै, आत्म समर्पण नगर

तिम्रा विचारहरुलाई बदलाग्नीले जितेको छ भने पनि ।

 

लौ, कस्लाई फाइदा पुग्ला यसले, विज्ञानलाई ?

मेरो अन्तरात्माको आवाजलाई सताइनेछ र मेरो मुटुमा आघात पर्नेछ

बदला विजय होइन, तर हो भयावहपूर्ण क्षण

जान देउ, माफ गर र आउनेछ अनुग्रह !

 

मेरो आत्मा त्यही क्षण अति हल्का हुनेछ

तिमीले देख्नेछौ उज्यालो, तिम्रा पछाडिबाट पखेटाहरुले भर दिएको

उडानको सामान्य कसमा

संसार तिम्रो सामु खुल्नेछ पूरै फरक ढङ्गले ।

 

तिम्रो मन परिवर्तन गर्दा दयनीय गुनासाबाट

तिमी महशूस गर्नेछौ जीवन सुन्दर छ खोलै नहाले पनि

सब खरावीहरु दैवी नियमको हातमा राखिदेउ

जीवन एक वार पाइन्छ-यसैले अहिले बाँच ।

 

२, बिउँझ

 

म यौटा गीत गाउँछु वीरहरुको

हो, तर अपसोच, कुनै वीरहरु नै छैनन्

मानवताले निर्माण गरिरहेछ वैभव

अहो हाडहरु, प्रेममा- यो सत्य भएन ।

 

विउँझ पवित्र र उज्यालो

मानवमा मानवता

निद्रा र अज्ञानतावाट उठ

र ल्याउ तिम्रा कोमलता अन्धकार संसारमा ।

 

पाखुरा तन्काउ छिमेकीलाई मद्दत गर्न

अनि तिमीले चिन्नेछौ पवित्र सत्य ।

 

३, प्रेम र कविता

 

के कवितामा शक्ति हुन्छ ?

अथवा शक्ति हुन्छ प्रेममा ?

काव्य महारानी

सुन्दर छिन् !

 

महारानी प्रेम

हामीलाई शक्ति बक्सियोस् ।

कवितामा प्रेम

जाज्वल्यमान र आवेशयुक्त छ !

 

कवितामा प्रेम

निर्बन्ध छ !

महारानी कविता

यो विचारको स्वतन्त्रता हो !

महारानी प्रेम

एक पहेली हो ! एक रहस्य हो !

कविता

आध्यात्मिक महानता हो ।

प्रेम र कविता

शुध्द र प्राचिन छ ।

 

कवयित्री परिचयः नताली विसो रुसी कवयित्री, उपन्यासकार, निवन्धकार र गीतकार हुन् । उनका १३ कृति प्रकाशित छन् र विभिन्न देशका १८० संकलनमा उनका रचना समाविष्ट छन् । उनी अन्तर्राष्ट्रिय साहित्यिक संस्था क्रियटिभ ट्रिब्यूनका संस्थापक अध्यक्ष हुन् ।