गजल

लीलाराज दाहाल

 

बेइमानीको बात म के जानूँ

चोरी ठगीको भात म के जानूँ

 

बिश्वास बिश्वास मै हुर्कें, बढें

अविश्वासको लात म के जानूँ

 

कस्तो तातो !कस्तो नशालु

प्रशंसाको मात म के जानूँ

 

सहयोगी देखिए पहिले निकै

कोखामा छन् दाँत म के जानूँ

 

फुकाले तिनले त ईज्जत् सबै

नग्नताको खात म के जानूँ

 

मलाई सबले बिगार्नु बिगारे

यो मान्छेको जात म के जानूँ

 

गजलकार परिचयः लीलाराज दाहाल परवानीपुर, सर्लाहीमा जन्मेका हुन् र हाल वागमती नगरपालिका ११, जिल्ला सर्लाही हुँदै हाल ललितपुर बस्छन् । उनी कथा, लघुकथा, गजल, मुक्तक बिधामा रचना गरिरहेका छन् र ती फूटकर रुपमा बिभिन्न पत्रपत्रिकामा प्रकाशित छन् ।