रेनुका भट्ट, कोपेनहेगन डेनमार्क
१, खुसी
प्रथम
टलक्क टल्केको
चीसो घामलाई
बिस्तारै आँखा चिम्लदै, खोल्दै हेर्छ
र मतिर फर्केर मुसुक्क मुस्कुराउँछ ।
२, यात्रा
यो आँधी रोकिएपछि
हामीले सुरुवात गर्नुछ
एउटा हिंडिरहने यात्रा …
गन्तब्यमा पुगियो भने
यात्रा सकिन्छ
बाटो सकिन्छ
र रोकिनुपर्छ हामी
मलाई तिमीसँग हिँडिरहनु छ
आऊ प्रथम पाइला सँगसँगै सारौँ ।
०००
कवि परिचयः रेनुका भट्ट पिपलटार, नुवाकोटमा जन्मेकी हुन् । विसं २०५८ मा त्रिसुली प्रवाहमा कविता प्रकाशित गरेर साहित्य लेखनमा प्रवेश गरेकी उनी अङ्ग्रेजी भाषामा पनि कविता लेख्छिन् । कविता बाहेक उनी गजल तथा कथा विधामा पनि कलम चलाउँछिन् । हाल उनी कोपेनहेगन डेनमार्कमा वसोवास गर्छिन् ।
