गजल

लीलाराज दाहाल 

 

बोलाउनु भो यहाँले आएँ जसोतसो

बैगुनीलाई अझै गुन लाएँ जसोतसो !

 

भोको पेट लिएर कति दौडी रहुँ

अपमानको भात खाएँ जसोतसो !

 

उन्मुक्तिको पखेटा काटिए पनि

स्वाधीनताको गीत गाएँ जसोतसो !

 

एक्लोपनले घाँटी निमोठी रहेछ

त्यसैले त हजुरकाँ धाएँ जसोतसो !

 

०००

 

गजलकार परिचयः लीलाराज दाहाल परवानीपुर, सर्लाहीमा जन।मेका हुन् र हाल वागमती नगरपालिका ११, जिल्ला सर्लाही हुँदै हाल ललितपुर बस्छन् । उनी कथा, लघुकथा, गजल, मुक्तक बिधामा रचना गरिरहेका छन् र ती फूटकर रुपमा बिभिन्न पत्रपत्रिकामा प्रकाशित छन् ।