२५ साउन २०८०, काठमाडौं
कर्मयोगी बद्रीविक्रम थापा स्मृति सेवागुठीको कोष व्यवस्थापनमा हरेक वर्ष समर्पण गर्ने गरी शब्दयात्रा प्रकाशनमा स्थापना गरिएको ‘शब्दयात्रा बद्रीविक्रम थापा महोत्तरी प्रतिभा पुरस्कार-२०८०’ कथाकार इस्माली मा समर्पण गरिने घोषणा गरिएको छ । स्थापनाको पहिलो बर्षमा यो पुरस्कार ईश्मालीलाई प्रदान गर्न लागिएको हो ।
गीतिभास्कर मच्छेश्वर सापकोटाको संयोजकत्वमा गठित ‘पुरस्करणीय व्यक्तित्व चयन समितिको सिफारिसमा शब्दयात्रा प्रकाशनले यो घोषणा गरेको हो ।
पुरस्कारमा रु२५ हजार रुपियाँ, अभिवन्दनापत्र, शब्दयात्रा पट्ट, उपहार र रुद्राक्षमाला रहनेछ ।
महेश्वरप्रसाद उपाध्याय पौडेल)
महोत्तरी जिल्लाको औरहीमा २०१२ साल जेठमा जन्मनुभएका महेश्वरप्रसाद उपाध्याय पौडेलको साहित्यिक नाम इस्माली हो । लामो समयसम्म त्रिभुवन विश्वविद्यालयमा प्राध्यापन गरी हाल निवृत्त जीवन बिताइरहेका उनका नेपाली भाषामा कथा, उपन्यास र बालकथाका विभिन्न पुस्तकहरू प्रकाशित छन् ।
