काठमाडौं असार २, २०८०
धुलाबारी झापाको सासंक प्रतिष्ठानले आफ्नो ३४ औं स्थापाना दिवस तथा प्रत्येक दुई बर्षमा प्रदान गरिंदै आएको आठौं सासंक सम्मान तथा पुरस्कार एक समारोहका प्रदान गर्यो । यस वर्ष सो पुरस्कार बरिष्ठ गायक,गीतकार तथा लेखक गणेश रसिकलाई प्रदान गरिने निर्णय अनुसार उनलाई प्रमुख अतिथि-इलामका प्रबुद्ध नागरिक युद्ध प्रसाद वैद्यले समर्पण गरे । पुरस्कारमा नगद रु.पच्चीस हजार तथा सम्मान पत्र रहेको छ । सो अवसरमा विभिन्न संघ संस्था तथा ब्यक्ति ब्यक्तित्वबाट समेत उपहार प्रदानगरिएको थियो ।
सो अवसरमा गणेश रसिकले आफ्नो मन्तव्य सहित आधा दर्जन गीत प्रस्तुत गरेका थिए ।
औपचारिक कार्यक्रम सुरु हुनुअघि बिद्यालय प्राङ्गणमा स्थापित भाषा शास्त्री महानन्द सापकोटाको सालिकमा माल्यार्पण गरिएको थियो ।
सासंकका अध्यक्ष छबीलाल खतिवडाको भापतित्वमा सम्पन्न सो कार्यक्रममा चन्द्र भण्डारीबाट पुरस्कृत ब्यक्तित्वको परिचय प्रस्तुत गरिएको थियो ।
