विश्वपरिक्रमा डेस्क
१८ सेप्टेम्वर, वाशिंटन डिसी
राजमित्र स्मृति प्रज्ञा प्रतिष्ठानले हरेक वर्ष प्रदान गर्ने ”राजमित्र स्मृति प्रज्ञा पुरस्कार” यस वर्ष कथाकार हरि थापालाई प्रदान गरिने भएको छ ।
साहित्यकार सुशील नेपाल तथा सुमन नेपालद्वारा प्रातःस्मरणीय माता-पिताको सम्झनामा स्थापित यस संस्थाले अमेरिकाको बोष्टनमा रहेर नेपाली साहित्य लेखनमा लागिपर्ने स्रष्टालाई पुरस्कार दिंदै आएको छ । यो पुरस््कारबाट यसअघि सात जना साहित्यकारहरु भारती गौतम , दिनेश राजभण्डारी , गोवर्द्धन पूजा, लालगोपाल सुवेदी, दीपा राई पुन र महेश्वर पन्त पुरस्कृत भैसकेका छन्
पुरस्कृत कथाकार हरि थापाका “अक्षररेखा” (कथा संग्रह २०५६), “तिब्बती विम्बहरू” (नियात्रासङ्ग्रह २०७०) , “व्यथाहरूको कथा”म(कथा संग्रह २०७१) , “परदेशको कथा” (कथा संग्रह २०७५), “परिमित” ( लघुकथा संग्रह २०७३) , “मियो” (ग़ज़ल संग्रह २०७४) लगायतका कृतिहरु प्रकाशित छन् । कथाकार हरि थापा लामो समयदेखि अमेरिकाको बोष्टनमा बस्दै आएका छन् । उनको जन्म छालिंग भक्तपुरमा भएको हो ।
कार्यक्रम यही सेप्टेम्बर १९ तारिख आइतवारका दिन राजमित्र प्रांगण माल्डेनमा सम्पन्न हुने समेत थाहा भएको छ ।
