विश्वपरिक्रमा डेस्क
११ सेप्टेम्वर, वाशिंटन डिसी
अमेरिकाको पुरानो गुठी “नेपा गुठी”का थकाली मदन ताम्राकारको ८४ वर्षको उमेरमा १० सेप्टेम्वर साँझ आफ्नै निवासमा निधन भएको छ ।
सन् १९८९ मा अमेरिका आएका उनी सोही वर्षदेखि सन् १९८५ मा स्थापित नेपा गुठीमा संलग्न हुँदै आएका थिए र हाल थकाली अर्थात् गुठीको सर्वेसर्वा वा अध्यक्षको रुपमा संलग्न हुँदै आएका थिए ।
केी दिन अघि अस्वस्थ भएर अस्पताल गएका उनी घरमै स्वास्थ्यलाभ गरिरहेका थिए र स्वास्थ्यमा क्रमिक सुधार देखिएको थियो । तर अचानकै उनको निधन भएको थियो ।
उनको जन्म २ जनवरी १९३७ मा नेपालमा भएको थियो ।
वाशिंटन डिसी क्षेत्रमा लामो समयदेखि सपरिवार वसोवास गर्दै आएका उनी नेवारी समुदायमा सामाजिक काममा सकृय थिए । उनको निधनमा स्थानिय नेपाली समुदायले शोक प्रकट गरेको छ ।
