विश्वपरिक्रमा डेस्क
१० सेप्टेम्वेर, वाशिंटन डिसी
महाकवि देवकोटाको घर भत्काएर त्यसै स्थानमा सङ्ग्रहालय बनाउने नेपाल प्रज्ञा प्रतिष्ठानको योजना अनुसार घर भत्काउँदा व्यापक रुपमा विरोध भयो र पक्ष विपक्षमा वहस चल्यो। एकेडेमीको तर्फवाट “मर्मत हुनै नसक्ने अवस्था भएर ईन्जीनियरहरुको परामर्समा भत्काइएको” स्पष्टिकरण दिइएको थियो ।
यसै वीच सो सम्बन्धमा सर्वोच्चमा मुद्दा पर्यो र भत्काउने काम र निर्माण कार्य रोक्न अन्तरिम आदेश जारी भयो ।
यो बदलिएको परिप्रेक्षमा पुरातत्व विभागले पुरात्वविद रविन्द्र पुरी, मुद्दाका अधिबक्ता संजय अधिकारी र उनको टिम, आलोक पुलाधर लगायत पुरातत्वका अधिकृत तथा ईन्जिनयरहरको परामर्स बैठक राख्यो ।
सो अवसरमा पुरात्व विदहरुले घर भत्काउँदाका सवै सामाग्रीहरु सम्भव भएजति सङ्कलन गर्ने र त्यस घरमा प्रयोग भएका र प्रयोग गर्न सकिने सवै सामाग्रीलाई प्रयोग गरेर परम्परागत शैलीमा निर्माण हुनुपर्ने, कङ्क्रिटको ढलान हुन नहुने सुझाव दिइएको पुरातत्वविद् रविन्द्र पुरीले विश्वपरिक्रमालाई वताए ।
