विश्वपरिक्रा डेस्क
२० अगस्त, वाशिंटन डिसी
नेपालको परराष्ट्र मन्त्रालयले परराष्ट्र मन्त्रीको अध्यक्षतामा २० सदस्यीय उच्च स्तरिय समिति गठन गरेको जनाएको छ ।
परराष्ट्र मन्त्रालयका अनुसार कार्तिक ६ देखि ८ सम्म सम्पन्न हुने विश्व सम्मेलनका लागि राष्ट्रिय योजना आयोगका सदस्य, प्रधानमन्त्री तथा मन्त्रिपरिषद् कार्यालयका सचिव, परराष्ट्र सचिव, विभिन्न मन्त्रालयका सचिवहरु सदस्यहरु, लगानी बोर्ड, राष्ट्र बैंक, उद्योग वाणिज्य महासंघ, उद्योग परिसंघ, चेम्बर अफ कमर्स, गैरआवासीय नेपाली संघका प्रतिनिधिहरु पनि समितिमा रहने छन्।
स्मरणीय छ, परराष्ट्र मन्त्रालयको पत्रमा उक्त कुरा जनाइए पनि नेपालमा अहिले परराष्ट्र मन्त्री नियुक्त भएका छैनन्, सो मन्त्रालय प्रधानमन्त्री आफैंले सम्हालेका छन् ।
