विश्वपरिक्रमा डेस्क
११ अगस्त, वाशिंटन डिसी
नेपाली दूतावासले अमेरिकाका विभिन्न स्थानमा सञ्चालन गर्दै आएको घुम्ती कन्सुलर सेवाको सिलसिलामा वाशिंटन राज्यको सियाटलमा सो सेवा सम्पन्न भएको छ ।
७ र ८ अगस्तमा सञ्चालन भएको सो घुम्ती शिविरमा त्यहाँका नेपालीहरुले कन्सुलर सेवा घरदैलोमै पाएका छन् ।
सो अवसरमा राजदूत खतिवडाले गैर आवासिय नेपालीहरुको संस्था एनआरएनए वाशिङ्टनका प्रतिनिधिहरु, नेपाल सियाटल सोसाइटी तथा स्थानिय संघसंस्थाका प्रतिनिधिहरुकासाथ अन्तरकृया गरेका थिए ।
स्मरणीय छ, यसअघि यस्तै घुम्ती सेवा क्यालिफोर्निया, टेक्सास, सिकागो लगायतका शहरहरुमा सञ्चालन भैसकेका छन् ।
यसपछि अक्टोवरमा कोलोराडोमा यस्तै घुम्ती सेवा सञ्चालन हुने थाहा भएको छ तर त्यसको मिति र स्थान भने निर्क्योल हुन बाँकी रहेको छ ।
(फोटो: नेपाली दूतावासके वेवसाइटवाट)
